Невролозите велат дека студиите покажуваат дека луѓето помалку страдаат од физичка слабост и замор по шест месеци на кетогена диета.
Брзината на одење, расположението и општиот квалитет на живот на луѓето покажале подобрувања, велат од Стручното здружение на германски невролози (BVDN).
Мултипла склерозата е автоимуна болест, што значи дека имуниот систем почнува да го напаѓа телото, а кај МС го напаѓа нервниот систем. Ова го забавува преносот на импулси помеѓу нервните клетки, што доведува до вкочанетост на рацете и нозете или проблеми со одењето.
Заболените обично можат да ја стават болеста под контрола со лекови, но посебна диета може да обезбеди дополнителен начин за ублажување на симптомите.
Зошто кето диета?
Постои можно објаснување зошто кетогената диета со висок процент на масти може да биде особено соодветна.
МС често го нарушува енергетскиот метаболизам во мозокот. Ова доведува до промена во метаболизмот на нервните клетки, каде што тие се потпираат на мастите како извор на енергија.
“Ова значи дека кетогената диета е очигледно соодветна за обезбедување на потребната количина на масти за производство на енергија“, вели неврологот Гереон Нелс од BVDN.
Мастите во кетогената исхрана доаѓаат главно од риба, месо, растителни масла и јаткасти плодови. Д-р Нелс вели дека кетогената диета може да го подобри енергетскиот метаболизам на клетките, потенцијално ублажувајќи ги симптомите на МС.
