Загазивте во четириесеттите години, па оттука и прашањето дали треба да сте во своите дваесетти години за да ја постигнете својата идеална мускулна фигура? Се разбира, не! Постојат три едноставни правила што треба да ги следите додека вежбате за да ги постигнете најдобрите резултати.
Држете се до основата
Не размислувајте премногу за тренингот, едноставно вежбајте. Веројатно, ќе ви треба повеќе време за опоравување, но освен ако немате одредени здравствени проблеми, не ви требаат никакви специјални серии на вежби. Најголемиот проблем обично е да го вметнете тренингот во дневниот распоред, но и тоа не е нешто што е невозможно да се направи.
Не се откажувајте
Најчесто луѓето се откажуваат по првите три месеци на вежбање, па затоа уште од почеток морате да бидете сигурни дека имате причина да продолжите кога ќе ве фати криза и ќе посакате да се откажете. Ако не оди поинаку, објавете ги сликите од вашиот напредок на социјалните мрежи. Така ќе почувствувате потреба да го оправдате она што го правите и да продолжите со она што сте го започнале (се разбира, се во границите на нормалата). Однапред планирајте ги тренинзите и одредете го времето од денот што најмногу ви одговара. Бидете упорни и ако е можно, тренирајте со пријател кој ќе ве охрабрува.
Уживајте
Освен што ќе изгледате подобро, благодарение на вежбањето, вашата издржливост ќе се зголеми, поради што потешко ќе се замарате, а исто така ќе развиете и дисциплина која ќе ви помогне во другите сфери на животот.
Самиот процес на вежбање ќе биде макотрпен, но промените што ќе ги искусите ќе бидат корисни. Верувајте во вашата цел и обидете се да уживате во тоа додека се движите кон неа.
