Кризите во љубовната врска не се ни малку пријатни, но не се невообичаени. Но, треба да се биде внимателен, бидејќи лошиот емотивен однос може да биде причина за болести.
„Ако врската не се развива добро, а со тоа не сакате да се соочите, ќе развиете анксиозност, проблеми со спиењето, депресија и ќе си ја уништите самодовербата„, објаснува психологот Сузан Бартел.
Доколку сте во нестабилна врска во која едно лице не ги препознава потребите на партнерот, ќе почнете да се сомневате во себе и константно ќе се грижите дали правите нешто погрешно. Општо може да се каже дека врската го нарушува менталното здравје доколу во неа се чувствувате повеќе негативно, отколку позитивно и не ве исполнува.
„Ако често се чувствувате депресивно, ако многу плачете, го избегнувате партнерот или напорно работите на тоа да сфатите што е добро за вашата врска – се ова се знаци дека таа љубовна врска го загрозува вашето ментално здравје„ објаснува д-р Бартел и додава дека неретко гледа лица на 20 и 30 години во врски во кои се потчинети, најчесто затоа што се ранливи.
Доколку сте во врска која го нарушува вашето психичко здравје, мора да делувате. „На лицето со кое сте во врска мора што побрзо да му кажете што ве мачи. Ако и тој поминува низ тежок период, на пример губење на работата или член на семејството, причекајте додека се смири, но никако повеќе од една недела. Мора јасно да разговарате„, објаснува д-р Бартел.
„Ако заради својот партнер се чувствувате лошо подолго време, ако тој кон вас е многу критичен, ве навредува и ве понижува, тоа се нарекува емоционално злоставување„, предупредува докторката.
