Многумина мислат дека површините како што е тоалетната школка се највалкани во домот, но всушност постојат други, многу ’поопасни’ како прекинувачите за светло и далечинските управувачи, вели научничката Карен Холиман. Она што е можеби уште погадно е дека некои од највалканите површини во домот всушност се наоѓаат во кујната!
„Површините на кои се приготвува храната, како што е, на пример, даската за сечење можат да имаат најмногу бактерии“, додава таа.
И всушност не е прашањето само што треба редовно да чистиме, туку и што вдишуваме.
„Домашната прашина, исто така, може да биде ’причина за грижа’ затоа што може да содржи алергени, полен, грини, бактерии.“ Прашината која ја вдишуваме најмногу се собира во перниците, душеците, но и во завесите затоа овие предмети треба да се чистат и перат почесто. Истражувањето на глобалната организација за здравје и безбедност NSF Intenational го потврдува ова. Научниците тестирале 30 површини во 22 куќи за да го измерат нивото на влага, мувла, салмонела, ешерихија коли и стафилококни бактерии и еве кои предмети имале најмногу бактерии:
- мијалникот,
- држачот за четкички за заби;
- садовите за храна за домашни миленици;
- апартите за кафе;
- чешмите во тоалетот;
- играчките за домашни миленици;
- работните површини во кујната;
- копчињата на шпоретот;
- даските за сечење храна.
