Виралната фотографија која се појави на Фејсбук објаснува зошто некои жени имаат сериозни болки во првите два дена од менструацијата. Фотографијата која ја објави Jocelyn центраот во Сиднеј покажува како изгледа матката пред циклусот, а како за време на менструацијата. Помалата, бела реплика ја отсликува матката пред менструацијата, а другата за време на циклусот, па најдобро може да се види дека таа всушност се удвојува.
„Ова е причината зошто се чувствуваме тешко, тромаво, подебело и болно за време на менструацијата“, се наведува во описот на фотографијата.
Меѓутоа гинеколозите не се согласуваат во потполност со фотографијата, а некои тврдат дека матката е само благо отечена, не и удвоена.
Како да се олеснат симптомите на ПМС?
- Сонот е најдобар за олеснување на овие симптоми, па затоа најдобро е да си легнете порано и добро да се наспиете.
- Не пушете – сите студии на оваа тема докажале дека жените пушачи имаат посилни ПМС симптоми.
- Намалете и со кофеинот, солта и шеќерот, и тоа една недела пред менструацијата за да ги минимизирате симптомите, особено надуеноста и главоболката.
- И, вежбајте!
