На некои од нас им се случува комарците да ги направат „партал“, додека луѓето наоколу немаат ниту еден убод. Зошто е така?! Касаат само женките комарци. Тие копнеат по нашата крв затоа што од неа земаат протеини кои им се важни за одгледување на јајцата. Кога ќе не касне женката комарец таа ни вбризгува малку од нејзината плунка во крвотокот. Плунката содржи протеин кој спречува крвта да ни се згрутчува додека таа се храни. Оваа плунка е всушност причината зошто ни се појавува оток и црвенило, како и чешање кое некои од нас го чувствуваат после убодот, и тоа само оние кои се алергични.
Доколку на кожата немате никаква реакција, тогаш вие сте вистински среќник затоа што не сте алергични на плунката на комарците. Тоа може да значи дека сте развиле имунитет и организмот престанал да го препознава алергенот како проблем и затоа реакцијата изостанува. Оние кои се малку почувствителни можат да забележат благи модринки на местото на убодот место вообичаениот оток. Ова е реакција и на должината на хранење на комарецот – колку подолго се храни повеќе протеин вбризгува.
Доколку патите од „синдром комарец“ на кожата може да забележите оток, топлина, црвенило и чешање проследено со болка. Понекогаш се јавува и зголемена температура. Ова е поекстремна реакција на убодот од комарци која може да доведе до голем оток кој е врел и цврст на допир. Понекогаш се јавува и плик кој може да истече. Овој синдром почесто се јавува кај децата, пациентите со лош имун систем и туристите кои патувале во некои нови предели и се сретнале со нови видови комарци.
Анафилаксијата е ретка појава кај убодите од комарци, но кога ќе се случи може да биде кобна. Пациентите кои имаат анафикалсика до убоди на комарци може да имаат симптоми слични како и сериозни симптоми на алергија. Доаѓа до појава на температура, оток на јазикот и усните, проблеми со дишењето, свирење во градите, кашлица и во сериозни случаи до губење на свеста и смрт. Третманот подразбира инјекција епинефрин и итна медицинска помош.
