За жал, рак на срце постои, а се јавува кога клетките во срцето почнуваат неконтролирано да се размножуваат и растат во канцерогени тумори, како и во другите делови од телото. Не се случува често, но забележани се случаи и тоа дури 19 во 2017 година. Туморот може да се рашири на срцето и од некој друг дел од телото, а може да се пренесе преку крвта. Бидејќи се јавува исклучително ретко, постојат мал број истражувања врзани за овој вид рак кој најчесто ги погодува луѓето на возраст од 50 до 60 години. Прогнозите за рак на срцето обично не се добри, но раната дијагноза и операцијата даваат шанса со хемотерапија да се продолжи животниот век.
Слезината е орган со големина и тежина кои варираат од личност до личност, а просечната тежина и е 150 грама, како јаболко со средна големина. Долга е 10 до 11 сантиметри и обично е со големина на еден филџан за кафе. За фетусот е мошне важен орган затоа што создава црвени крвни зрнца, а престанува да го прави тоа кога се раѓаме. Секако, подоцна во животот игра мошне важна улога во имуниот систем. Ракот на овој орган ретко се јавува, како и кај срцето може да се создаде во самиот орган или до него да дојде преку крвта.
Бидејќи е дел од лимфниот систем често доаѓа до појава на лимфом. Симптомите се зголемена слезина, а третманот е ист како и кај останатите облици на тумори. Се јавува поретко отколку ракот на срце, а во последните 30 години се забележани само 7 случаи во Норвешка. Докторите веруваат дека со процедурата на отстранување на слезината проблемот е решлив затоа што возрасна личност може непречено да живее без слезина.
Слепото црево можеби е ’беспотребно’ во нашето тело, но не е имуно на рак. Не е сосема бескорисно затоа што работи поврзано со лимфниот систем и бактериите кои се поврзани со варењето на храната. Овде може да се појават дури до 10 различни видови тумори, но сите, за среќа, се ретка појава.
Истражувачите од норвешкиот Центар за рак истакнале дека не постои орган во нашето тело кој е имун на рак. Клетките во телото се размножуваат и репродуцираат, а каква било грешка може да доведе до појава на рак. Документиран, токму во Норвешка, е дури и рак на плацента што е исклучително редок случај.
Најчудниот облик на рак за кој сме чуле е паразитската „зараза“ со рак. Овој случај е забележан во 2015 година во Колумбија. 72 часа откако пациентот пријавил дека се чувствува лошо тој и починал. До ваков развој на болеста дошло затоа што бил заразен со ХИВ, а имунитетот му бил доста ослабен. Научниците претпоставуваат дека токму тоа имало улога во преземањето на канцерогените клетки од заболениот паразит, кој се затекнал во неговото тело.
