Повеќето луѓе го чуваат путерот во фрижидер, дали е тоа правилно или не? Станува збор за производ од млеко, кој ќе се расипе ако не го чуваме во фрижидер, вели логиката. Но се покажа дека чувањето на путерот во фрижидерот е само прашање на избор, а не безбедност на храна.
Што велат експертите?
Според зборовите на експертите, солениот путер затворен во херметички сад може да стои надвор од фрижидерот и до две недели. Две недели може да уживате во путер кој совршено се размачкува на вашиот утрински тост, без да имате грижа на совест дека не го чувате правилно и дека фрижидерот е подобра опција.
Експертите од Американската агенција за храна и лекови не стојат цврсто зад ставот дека путерот надвор од фрижидерот има одреден рок на траење, додека, пак, други тврдат дека рокот е ден – два. Еве како правилно се чува путерот…
Путерот се чува во фрижидер, спакуван во материјал кој не пропушта вода и го штити од мирисот на другата храна. Доколку путерот е замрзнат свеж, во замрзнувач може да се чува и до 9 месеци, во фрижидер до 6 недели, а надвор од фрижидерот – до 2 недели (станува збор за солен путер).
Како да препознаете кога путерот е расипан?
За да бидете сигурни дека путерот нема да се расипе, треба да биде солен, пастеризиран. Исто така, имајте на ум дека чувањето на путерот надвор од фрижидерот не е изводливо во лето.
Како најлесно да препознаете расипан путер? Прво, помирисајте го. Исто како и расипаното млеко, така и расипаниот путер има кисел и непријатен мирис, па сигурно нема да имате желба да го намачкате на кришка леб.
