Водата може да му штети на здравјето ако одеднаш се испие премногу. Тоа се нарекува хиперхидрација (интоксикација со вода). Тогаш количината на течност во крвта се зголемува, а тоа, пак, ја намалува концентрацијата на електролитите, особено натриумот и доаѓа до хипонатремија.
Натриумот е важен бидејќи го балансира нивото на течности внатре и надвор од клетките. Кога ќе претерате со вода, тогаш во клетките влегува премногу течност и почнува да набабрува. Сега замислете тоа отекување да почне да се случува во мозокот – тоа може да биде фатално. Покрај тоа, постои опасност и од престанување на работата на срцето и бубрезите, проблеми со белите дробови…
Ризикот е уште поголем ако за кратко време се испие голема количина на вода, неколку литри. Бубрезите тогаш не можат да ја претворат сета оваа течност во урина и да ја исфрлат од телото.
Во медицинската литература се споменува случај од 2008 година, кога животот поради интоксикација со вода го загубила 47-годишна жена од Велика Британија. Сакала да планинари, а на тој фатален ден отишла на петчасовно планинско пешачење во националниот парк Големиот Кањон во САД. Пиела многу вода. Подоцна седнала во автобус и паднала во несвест. Додека да дојде доктор, се вратила при свест, но тешко зборувала и се жалела на главоболки. Лекарите најпрво се сомневале дека го повредила ‘рбетот. На патот кон болницата, почнала многу да повраќа, проѕирна течност, а потоа паднала во кома. Мозокот и отекол, а починала за помалку од 24 часа. Нејзиниот случај бил опишан од лекарите во „Wilderness & Environmental Medicine“.
Хиперхидрација е екстремно внесување на вода во организмот во многу краток период
Пред четири години, двајца фудбалери го загубиле животот поради внесување на преголема количина на течност. Во САД, во август, починал младиот Вокер Вилбенкс, кој играл за екипата на своето средно училиште. Две недели пред него, животот го изгубил од млад човек од Грузија, кој после тренингот испил огромни количини на вода за да ги спречи грчевите во мускулите.
