Истражувањата покажуваат дека најголем број психопати се наоѓаат на директорски позиции.
Сепак, најпрво да разјасниме што е, всушност, психопатија.
Психопатија е пореметување на личноста, односно состојба која во однесувањето повеќе или помалку се разликува од просекот. Психопат не е лице кое ненадејно ќе се појави пред вас со моторна пила, иако повеќето луѓе мислат дека психопатите функционираат токму на тој начин. Психопатите имаат поинаква толеранција на стрес, обично страдаат од недостаток на емпатија, недостаток на вина, егоцентрични се, имаат површен карактер, манипулативни се, неодговорни, импулсивни, немаат богат друштвен живот и склони се кон криминални активности.
Е сега има интересно истражување: на кои работни места и занимања се наоѓаат најмногу, а во кои најмалку психопати?
Психопатите често избираат одредени професии кои одговараат на нивната личност, како:
- директор/раководител на сектор,
- адвокат,
- медиумски работник (телевизија/радио),
- продавач,
- хирург,
- новинар,
- полицаец,
- готвач,
- свештеник,
- државен службеник.
Додека, пак, работни места со најмалку психопати се:
- медицинска сестра,
- негувател,
- терапевт,
- шминкер/козметичар,
- стилист,
- наставник,
- сите креативни професии,
- доктор,
- хуманитарец,
- сметководител.
Повеќето професии од кои психопатите „бегаат“ вклучуваат емпатија и поврзаност со луѓето. Исто така, овие работни места не им даваат чувство на голема моќ над другите луѓе
Психопатите не се привлечени од вакви занимања, а ако веќе се занимаваат со нешто слично, веројатно, не се издвојуваат како најдобри во својата класа. Од друга страна, повеќето занимања во кои се прoнаоѓаат психопатите нудат моќ и бараат одвојување од сопствените емоции, пишува британски „Сан“.
