Одржувањето на чистотата и хигиената во домот не значи само редовно чистење, туку и редовно менување на некои работи. Постојат многу работи во домот кои треба често да се менуваат, а многу пати не сме свесни за тоа.
Еве колкав е нивниот рок на употреба, односно на колку време треба да ги менувате бидејќи собираат бактерии.
Четка за заби
Сигурни сме дека знаете колку е важна денталната хигиена и редовното миење на заби. “Четката за заби потребно е да се менува на секои три месеци, а бидејќи децата не се многу внимателни, па нивната четка менувајте ја и побрзо“, вели стоматологот Бен Еткинс.
Четка за коса
Со секојдневното чешлање на четката за коса се задржуваат разни бактерии кои се собираат на косата додека сте надвор. Фризерите советуваат дека еднаш неделно треба да се чисти четката, а еднаш годишно да ја смените со нова.
Собни папучи
Кога изморени ќе дојдете од работа и ќе ги облечете домашните папучи, веројатно не ни замислувате колку се валкани. Треба да размислувате за сите работи кои доаѓаат во контакт со кожата, велат стручњаците за хигиена. За да го намалите ризикот од било какви инфекции, важнно е постојано да ги перете собните влечки и да купувате нови на секои шест месеци.
Душеци
Просечен човек преку својот живот поминува 25 години спиејќи. Ако не спиете на душек, кој навистина ви пружа удобност, тоа може да има долгорочни негативни ефекти на физичкото здравје. Стручњаците велат дека нов душек треба да купувате на секои осум години, за постојано да ви биде удобен.
Теписи
Кој знае колку чекори дневно правите по тепихот, така да не е ни чудо што нечистотијата останува внатре. Во теписите се собираат разни видови на бактерии кои ги внесувате на обувките, но и од храната или пијалоците. Секако доколку редовно ги перете нема потреба да купувате често нови, но треба да ги менувате на секои 5-10 години, во зависност од материјалот од кој се направени.
Тавчиња
Не се препорачува подготовка на храна во тавчиња и тенџериња кои се изгребани, оштетени. Совет е ваквите садови да се менуваат на 3-5 години, бидејќи оштетените тенџериња испуштаат штетни материи кои се пренесуваат на храната.
Крпи
Доколку крпите кои ги користите не впиваат вода, тоа значи дека бактериите полесно се задржуваат на нивната површина. Се препорачува крпата да ја сушите по секоја употреба за да ја намалите шансата за размножување на бактериите, а нови треба да купувате на секои три години.
Перници
Ако не ги перете перниците барем на секои три месеци, тогаш лицето го изложувате на нечистотии и бактерии. Затоа, перете ги редовно, а со нови заменете ги на секои 2-3 години.
