Пред појавата на разно-разни гелови за туширање и сапуни, луѓето живееле поздраво. Се миеле со вода и евентуално користеле сапуни што ги правеле самите, но денес повеќето луѓе тешко можат да замислат секој ден да не се искапат со сапун или да не уживаат во мирислива и пенлива бања. Со оваа навика всушност се уништува имунитетот и се нарушува природното ниво на бактерии на кожата кои не се таму без причина. Тие имено, ако не се нарушени, во допир со нечистотијата ги препознаваат штетните бактерии и кожата ја штитат од, на пример, акни и екцема.
„Човековото тело има милијарди бактерии како на кожата, така и во цревата, а нивната природна рамнотежа е исклучително важна за нашето здравје. Редовниот контакт со нечистотијата ја учи заедницата на бактерии да препознаваат кои се лоши, а кои не. Единствено што препорачувам за користење е благ сапун од органски состојки“, вели гастроентерологот Робин Чаткан.
Таа додава и дека повеќе антибактериски сапуни се преполни со јаки хемикалии кои ја нарушуваат рамнотежата на бактериите на кожата, како и дека миењето само со вода е сосема доволно.
Единствени места кои треба малку да се насапунат со органски сапун се деловите под пазувите и препоните. Докторката уште вели и дека нечистотијата не е причина за болест, туку убивањето на добрите бактерии, како и дезинфекцијата на рацете со помош на разни гелови и влажни марамчиња е подеднакво непотребна.
