Стручњаците истакнуваат дека црното чоколадо е исклучително здраво и дека би требало секојдневно да јадеме по еден ред. Богато е со флаваноли, го штити срцето, добро е за крвните садови, го подобрува протокот на крв и со самото тоа го намалува крвниот притисок. Го намалува ЛДЛ холестеролот, но и ризикот од кардиоваскуларни заболувања и срцев удар.
Истражувањата покажале дека доколку дневно во организмот внесеме до шест грама какао или црно чоколадо, се намалува можноста од срцеви болести, воспаленија и појава на дијабетес тип 2.
Црното чоколадо го намалува и апетитот. Ако 20 минути пред оброк изедете една коцка, тоа ќе го поттикне производството на лептин, хормон кој му испраќа сигнали на мозокот дека сте сити. Чоколадото го поттикнува производството на хормонот на среќа, кој помага кај депресивни состојби, а им се препорачува на трудниците. Жените кои јаделе чоколадо во бременоста биле под помал стрес и помалку анксиозни, а нивните бебиња посреќни.
