Иако не се работи за медицински термин, тоа не значи дека немате голем проблем, а ако се чувствувате дека сте пред “неврен слом“, важно е да побарате помош.
Можеби токму синоќа сте помислиле дека сте, и тоа по исклучително напорниот ден кога стресот ве довел до самиот раб. Но, што всушност означува терминот “нервен слом“ и што треба да направите кога чувствувате дека повеќе не можете понатаму?
Не се смета за медицински термин, ниту пак за ментална болест туку се користи како израз за бројни писхички проблеми, но никако не треба несериозно да се сфати, наведува д-р Ерин Енгл, психијатар на Универзитетот Колумбија.
“Во прашање е ситуација кога лицето не може нормално да функционира поради силно чувство на стрес“, додава таа. Еве што мора да знаете за оваа состојба и како да ги препознаете симптомите.
КОИ СЕ СИМПТОМИТЕ НА НЕРВЕН СЛОМ
Со оглед дека не се работи за специфична медицинска состојба, симптомите може да се разликуваат од лице до лице, бидејќи секој различно ќе реагира на стресот. Но, некои од симптомите кои често се јавуваат се оние што ви ги пренесуваме во продолжение.
- Премногу спиете или воопшто не спиете
Промените во сонот се еден од сигналите дека нешто не е во ред, па кај некои ќе се јави потреба да спијат подолго од 8 часа, додека некои ќе имаат големи проблеми и цела ноќ ќе ја поминат будни. Сонот може да стане излез од грижите, но може и да изостане бидејќи мозокот постојано ќе биде во “акција“. Д-р Енгл наведува и дека се случува лицето цел ден да размислува само за проблемот што го мачи, иако никако не може да дојде до начин како да го реши.
- Замор
Силниот замор во текот на денот исто така може да биде сигнал дека сте на работ со силите, а покрај менталниот замор, може да се јави и оној физички, кога само сакате да легнете бидејќи чувствувате дека немате сила за ништо друго. Подеднакво, работите што порано ви причинувале задоволство може да ви изгледаат бесмислени. Губењето на либидото исто така се поврзува со силното чувство на стрес.
- Промени во апетитот
“Можеби не јадете, а можеби одеднаш јадете премногу“, истакнува д-р Енгл. Хормонот на стрес, кортизолот може да предизвика промени во апетитот, па и да разбуди силна желба за слатки и солени намриници. Исто така, кога сте на раб со силите, може да изгубите желба здраво да се храните и да подготвувате оброци. Лекарката наведува дека вообичаен симптом е губење на желбата да водите грижа за себе.
- Физичка болка
Главоболка, болка во стомакот, болка во мускулите… се се тоа симптоми кои можат да се појават. Како што наведува докторката, кај некои луѓе ќе се јават проблеми со дигестијата, како запек или пролив. Но, не е непознат факт дека стресот може да го поремети варењето на храната и познато е дека и тоа како може да влијае на работата на цревата.
- “Магла“ во мозокот
Дали имате проблеми со концентрацијата? Или само ви се чини дека мислите ви се неповрзани? Често, заедно со “нервниот слом“ се јавуваат и когнитивни симптоми, а може да се појават во форма на слаба концентрација, потешкотии при решавање проблеми и чувство на губење ориентација и лошо помнење.
