Во текот на вечерта метаболизмот е најмалку активен и тоа е главна причина зошто тогаш не треба да се јадат обилни оброци. Вечерата би требало да биде најлесниот оброк во текот на денот и не треба да се јаде најмалку два-три часа пред спиење, за организмот да има време да ја свари храната. Доколку сепак во доцните вечерни часови се појавува желба за храна, обидете се да откриете зошто е така.
Јадете доволно во текот на денот
Ако секогаш сте гладни доцна навечер, обидете се да утврдите дали јадете доволно во текот на денот. Јадете на секои три до пет часа или земете некоја здрава ужина.
Појадокот е обавезен
Денот почнувајте го со оброк богат со влакна, протеини и калории. Изостанувањето на појадокот е една од најголемите грешки.
Не мешајте го гладот со досадата
Ако сте гладни навечер – јадете, но прво уверете се дека она што го чувствувате е вистински глад. Понекогаш нашата желба за храна е начин да се избориме со стресот, емоционалните проблеми, досадата, но може да е и навика.
Јадете кога навистина сте гладни
Кога сте навистина гладни би требало нешто да каснете, но бирајте сложени јаглехидрати, здрави масти и протеини. Оваа комбинација го намалува апетитот, па ќе бидете сити до утрото.
Одберете вистински комбинации
Ако после вечерата ви се случи пак да ви се јаде, земете половина чаша грчки јогурт или парче сирење (протеини), четвртина авокадо или четвртина филџан ореви (здрави масти), нешто од сложени јаглехидрати како житарки или две третини шолја пуканки. Место грицки сварете си чај или напијте се чаша млеко со цимет.
Одбегнувајте масно и зачинето
Храната и пијалаците кои содржат кофеин и кои вклучуваат и кафе, чај и чоколадо не се препорачуваат навечер. Би требало да обедгнувате зачинета и масна храна, затоа што тоа може да го вознемири стомакот и да влијае на сонот.
