Помалку од два проценти од населението има природна црвена коса, односно околу 140 милиони луѓе. Најбројни се во Шкотска, дури 13 отсто, по што следува Ирска со 10 отсто.
Црвенокосите отсекогаш предизвикувале интерес, а научниците откриваат и по што друго уште се разликуваат.
За црвениот пигмент е „заслужен“ мутираниот ген MCR1 кој „мора да го носат“ двајцата родители за да се пренесе на детето, велат научниците
Покрај црвената боја на коса и понекогаш пеги на кожата, луѓето со мутираниот ген се почувствителни на болка и ниска температура. Истражувањата покажаа дека црвенокосите лица, на пример, имаат потреба од поголема доза на анестезија за време на операција, бидејќи реагираат посилно на болка поради својата чувствителност.
Студијата која е спроведена во Германија покажа дека црвенокосите се повеќе сексуално активни од другите жени. Слични резултати покажа и студија спроведена во Англија, која открива дека црвенокосите имаат секс барем три пати неделно, додека русокосите и црнките, во просек два пати неделно.
Лошата вест е дека црвенокосите имаат поголем ризик за развој на рак на кожата поради потенката кожа и чувствителност на ултравиолетово зрачење и тоа два и пол пати повеќе отколку другите луѓе, објави „The International Journal of Cancer“.
