Овие снимки се поставени на Јутјуб и оставаат буквално без зборови, со оглед на тоа дека на нив реално може да се види како изгледа срцето додека чука, како и што се случува во устата додека зборуваме.
Снимките настанале благодарение на новата технологија за магнетна резонанца и создаваат впечаток дека личноста која ги гледа се наоѓа во телото на другиот човек. Научното достигнување прв пат прикажува како изгледаат тие биолошки процеси во телото.
Истражувачите од германскиот Институт Макс Планк објавиле снимки кои настанале благодарение на новата технологија која создава подвижни слики во реално време. На Јутјуб се поставени снимки на говор, пеење и чукање на срцето.
Пионерот на магнетната резонанца и професор на Макс Планк институтот за биофизички хемија во Германија Јенс Фрахм развил систем ФЛЕШ2, кој користи математички процеси за реконструкција на скенови во подвижни слики.
„Техниката уште еднаш значително го забрзала МРИ скенирањето и овозможила до 100 сликички во секунда“, наведуваат од Институтот.
„Прв пат е можно директно да се набљудуваат заедничките движења, говорните движења, процесите на голтање или отчукувања на срцето, па да се извлечат заклучоци за тоа зошто коленото боли кога ќе се свитка“, објасниле од Институтот.
„Сега можеме да визуализираме процеси кои досега не сме ги виделе“, додал Фрахм, пишува Дејли мејл.
ФЛЕШ2 моментално поминува низ клинички испитувања во Германија, САД и Велика Британија, навеле од Институтот.
