Од прекрасните цветови кои се вртат кон сонцето, преку медицински препарати, па се до вкусни грицки сончогледот е, секако, повеќекратко корисна билка. Во народната медицина од дамнешни времиња од ливчињата од цветот се приготвува чај и тинктура, имаат специфичен горчлив вкус, но благо мирисаат на мед. Содржат сончогледови киселини, антоцијански гликозиди, ксантофил, колин, бетаин, каротеноиди, фитостерини, сапогенини.
Вкусните семки како корисна намирница
Семките од сончоглед содржат антиоксиданти – витамин Е и селен кои имаат способност за неутрализирање на штетните слободни радикали и на тој начин го штитат организмот од најчестите болести на модерното време – кардиоваскуларните и малигните заболувања.
Семките од сончоглед содржат витамин Е, магнезиум витамин Б1, селен, триптофан, витамин Б5, фосфор, фолати и дури 200 калории во само 35 г семки.
Превенција од кардиоваскуларни болести
Семките од сончоглед содржат висок процент на масло, дури 50 отсто, превладуваат повеќекратно незаситените масни киселини, особено линолната. Семките се одличен извор ба Б1 и Е, но и извор на бакар, селен, фолна киселина, манган, магнезиум, витамин Б5 и прехранбени влакна. Оваа комбинација на хемиски елементи, но посебно благодарение на витаминот Е, има исклучително јако против воспалително дејство, но витаминот Е, исто така, има моќ да го уништи холестеролот, па со самото тоа семките од сончоглед се одлична превенција од заболувања на кардиоваскуларниот систем.
