Стевијата е билка која не содржи калории, а воедно е за 300 пати поблага од шеќерот. Во последно време стана многу популарна меѓу диететичарите и заговорниците на здравата исхрана, поради што ви откриваме дали е и колку е таа навистина здрава.
Стевијата кај нас може да се најде во облик на екстракт/прав. Се смета за најздрав засладувач воопшто и како природна замена за шеќерот која за разлика од вештачкиот многу поволно влијае на здравјето.
Сепак, многумина се прашуваат дали билката која е до 300 пати поблага од обичниот шеќер навистина е толку здрава?
Нутриционистката Ријанон Ламберт, автор на книги за здрава исхрана, вели дека стевијата навистина е здрава алтернатива за шеќерот, иако може да поттикне желба за дополнителен внес на шеќери бидејќи со праќањето на сигнали на мозокот може да го измами во размислувањето.
Стевијата не содржи калории бидејќи се добива од листовите на лековитата зелена билка (Stevia rebaudiana) која има сладок вкус поради присуството на гликозид стевиозид. Од оваа причина луѓето често сметаат дека е поздрава во однос на другите вештачки засладувачи како што е аспартамот.
Некои студии покажале дека земањето на стевиозидот (дел од стевијата) може потенцијално да го намали крвниот притисок, а постојат и докази дека влијае и на инсулинот, односно дека може да го намали нивото на глукозата во крвта и да биде од голема корист на лицата кои боледуваат од дијабетес тип 2.
„Многу сугерираат дека стевијата се уште испраќа сигнали до мозокот кои може да поттикнат да внесувате уште шеќери, како што тоа го прави сахарозата. Дури и во тој случај, студиите не покажале дека ја зголемува потребата за храна, дека влијае на глад или на ситост“, заклучуваат научниците во студијата.
