Бактериите во цревата играат клучна улога во „ставањето“ на негативни чувства во мозокот на дебелите луѓе, предизвикувајќи депресија и анксиозност, велат истражувачите. Резултатите покажале дека глувците на диета со висок дел на масти покажале значително повеќе симптоми на анксиозност, депресија и опсесивно однесување од животните кои биле ставени на нормална исхрана.
Кај глувците со високо ниво на масти, две области на мозокот, хипоталамусот, кој помага во регулацијата на метаболизмот на целото тело и nucleus accumbens, важен за расположението и однесувањето, станале отпорни на инсулин
„Исхраната не е важна само кога зборуваме за зголемување или намалување на шеќерот во крвта, таа, исто така, менува и многу сигнали кои доаѓаат од цревните микроби“, изјавил Роналд Кан од Центарот за дијабетес „Џослин“ во САД.
Но сите овие однесувања се подобриле кога во игра влегле антибиотиците, кои го смениле цревниот микробиом, во комбинација со мрсната исхрана. Во истражувањето, објавено во магазинот „Molecular Psychiatry“, тимот го идентификувал влијанието на микробиомот со пренесување на бактерии во цревата од експериментални глувци на глувци без микроби.
Животните кои „примиле“ бактерии од глувци кои биле на исхрана со висока содржина на масти почнале да покажуваат зголемено ниво на активности, поврзани со анксиозност и опсесивно однесување. Меѓутоа, оние кои добиле микроби од глувци, кои биле на исхрана со висока содржина на масти и антибиотици, не ги покажале овие промени, иако самите не примале антибиотици.
Истражувачите сега работат на идентификација на специфичните бактерии вклучени во овие процеси.
