Тоа што сте во 30. години значи дека сте млади, но дали и вашето тело е толку младо? Истражувањата покажуваат дека се повеќе луѓе телесно се постари од својата возраст. Причина? Лошиот начин на живот – нездрава исхрана, невижење, стрес, алкохол, пушење. Постојат многу знаци кои ќе ви покажат дали навистина телото е постаро од вас.
Проблеми со забите – Малку потемнети заби се нормална појава во периодот од 30-50 година. За нормално на оваа возраст се смета и делумно губење на глеѓта и повремено воспаление на непцата. Меѓутоа не е нормално забите да ви се клатат или да ви испаѓаат, да ве боли вилицата или да ви крварат непцата. Во тој случај, важо е да посетите стоматолог и да внимавате на хигиената.
Нејасен вид – По 45. година на повеќето луѓе им се потребни очила бидејќи не може да читаат ситни букви, и тоа е нормална појава, меѓутоа, не е нормална појава ако на возраст од 30. до 50. година не можете јасно да гледате лица или форми, бидејќи се ви се мати или видното поле станува ограничено како да сте во тунел.
Болки во зглобовите – Ако имате меѓу 30 и 50 години, а болките во грбот и зглобовите ве мачат ретко и болката не е долготрајна, тогаш сте здрави. Но, ако на оваа возраст ги имате овие болки кога носите нешто тешко во раци или додека станувате, посетете лекар. Овие симптоми укажуваат на тоа дека во зголобовите и грбот почнало нешто да се случува.
Проблеми со помнењето – Тоа што понекогаш ќе заборавите нечие име или не сте се сетиле каде сте ги оставиле клучевите, потполно е нормално на возраст од 30 до 50 година. Не е нормално секојдневно да го барате автомобилот на паркинг, бидејќи не се сеќавате каде сте го оставиле, тешко да препознавате лица и бои, или ако клучевите по грешка ги ставите во фрижидер. Проблемите со помнењето се дел од процесот на стареење, но ако забележите дека често заборавате, тоа би можело да биде ран симптом на деменција.
Нагласен замор при физичка активност – Лесна задишаност по брзо одење или качување по скали е нормална на возраст од 30 до 50 години. Меѓутоа, ако влегувате во оваа возраст, а секоја малку поинтензивна физичка активност ви предизвикува тегоби како вртоглавица, сериозно губење на здивот, или главоболка, треба да посетите лекар. Ваквите тегоби не се нормални за оваа возраст.
