Мирисот влијае врз мозокот така што ги троши калориите и мастите или ги „чува“, покажало истражувањето направено на глувци, а објавено во магазинот „Cell Metabolism“. Студијата опфатила три групи на глувци на кои им биле дадени оброци со висок удел на масти. „Обичните“ глувци двојно ја зголемиле својата тежина, додека оние кои немале осет за мирис, се здебелиле само 10 проценти. Третата група на глувци биле оние на кои научниците привремено им го „одзеле“ осетот за мирис. Јаделе исти оброци како и другите, но ја намалиле тежината, па научниците заклучиле дека мирисот е, всушност, клучен кога станува збор за дебелеење.
Сепак, консумирање храна без чувство на мирис е апсолутно неприродно и несоодветно.
Селине Риера, научничка која работела на студијата спроведена на Универзитетот Беркли, изјавила дека истражувањето може да се примени и врз луѓето. Осетот за мирис се намалува по јадењето, па би можеле да го измамиме мозокот дека веќе сме јадеме, а телото ќе почне да троши калории, наместо да ги „чува“. Научниците велат дека на овој начин би можело да се влијае на дебелината, преку повремено одземање на чувството на мирис.
Но, стручњаците предупредуваат дека луѓето кои природно страдаат од недостаток на осет за мирис, имаат поголем ризик да заболат од депресија, констатирајќи дека мирисот е важен за психата и однесувањето.
