Постојат работи кои можат да предизвикаат здив што мириса на ацетон, а најчеста причина е дијабетес и исхрана без јаглехидрати. Што и да е, најважна причина е производството на кетони во телото. Едноставно кажано, кетони се состојки кои се производ на работата на црниот дроб при разградување на мастите, кои подоцна организмот ќе ги користи како гориво.
Дијабетес и исхрана без јаглехидрати
На пример, кај луѓето со дијабетес, клетките не можат да го искористат шеќерот или гликозата од крвта. Со цел телото да остане со енергија, црниот дроб работи засилено и ги претвора натрупаните масти во енергија која ќе ја користат клетките.
Луѓето кои не консумираат јаглехидрати не му обезбедуваат енергија на организмот, па се случува слично како и во претходниот случај – црниот дроб работи повеќе и ги претвора натрупаните масти во енергија која ќе ја користат клетките.
Присуството на кетони во организмот не е проблем, но преголем број може сериозно да го загрози здравјето и да создаде киселина во крвта, што во никој случај не е погодна за здравјето на органите – ако нормалната pH вредност на крвта доживее промени, не е невообичаено да се случат оштетувања на органите.
Телото, секако, ќе се обиде да се ослободи од вишокот кетони од организмот, а еден од начините е преку урината, додека другиот е преку респираторниот систем и токму тоа е причината зошто вашиот здив мириса на ацетон
Симптомите на вишокот кетони во организмот вклучуваат мачнина, повраќање, претерано мокрење и тешкотии при дишењето. Ако ги забележите, обратете се кај вашиот лекар.
