Домашните костени ја чистат крвта и го зајакнуваат имунитетот. Тешко се варат, но затоа даваат многу енергија, бидејќи содржат многу јаглехидрати, белковини, шеќер, масти и целулоза. Старите народи ги користеле за јакнење на организмот. Сиромашните за да се прехранат. Познато е дека римскиот цар Цезар наредил да се запалат шумите од костени на подрачјата кои ги освојувал само за да го уништи изворот на храна на сиромашното население.
Содржат многу вредни минерали и витамини како што се магнезиум, калциум, калиум, фосфор, железо, речиси сите витамини од Б групата. Плодовите се користат во исхраната на разни начини – варени, печени, како пире, сушени за брашно, во многу слатки и солени јадења…
Листот од костен лекува проблеми со дишењето, го чисти организмот…
Листовите од костен се користат како чај. Содржат дури 95 отсто танин, разни есенцијални смоли и витамин К, кој е исклучителен кај запирањето на крвавењето затоа што ги стеснува крвните садови. Во комбинација со мајчина душица лекува проблеми со системот за дишење, го чисти организмот, помага кај болки во грбот, дијареја итн. Медот од костен е, исто така, исклучително хранлив и лековит. Лекува гастритис и дигестивни проблеми, го штити црниот дроб, придонесува за подобра циркулација на крвта итн.
Дивиот костен не се јаде, но се користи во народната медицина. Во себе содржи есцин (сапонин) кој е заслужен за зацврстување на ѕидовите на капиларите и вените, а помага и кај кожни заболувања.
