Менструацијата и се околу неа мошно долго се третирало како табу тема, но жените денес многу послободно зборуваат за месечниот циклус, па оттука еве и нова тема – Дали знаевте дека бојата на крвта може многу да открие за здравјето на секоја жена?! Може да предупреди на некои ризични состојби, па доколку посветувате доволно внимание може и да реагирате навреме и да побарате лекарска помош во вистинскиот момент.
Розова боја: Појдете на лекар!
Бојата на менструалната крв со блага на нијанса на розова може да биде знак на ниско ниво на естроген. Тоа особено се однесува на жените кои напорно тренираат или редовно трчаат. Докажано е дека жените кои редовно вежбаат имаат ниско ниво на естроген, а истражувањата покажале и дека ниските нивоа на естроген може да бидат поврзани со остеопороза подоцна во животот.
Разводенета боја: Појдете на лекар!
Менструалната крв која изгледа како да е речиси без боја значи дека на телото му недостасуваат хранливи материи. Во некои случаи тоа се смета за еден од најраните знаци за рак на јајник. Ако имате воденеста менструална крв, појдете на лекар!
Темнокафеава боја: Се е во ред!
Темнокафеава или темноцрвена менструална крв значи дека стара крв останала некаде во матката. Речиси 80 % од жените пред крајот на менструацијата имаат темнокафеава крв. Никој не знае зошто се случува тоа, но нема причина за паника – сосема е нормално.
Густа крв со згрутчувања: Појдете на лекар!
Густа менструална крв (како мармалад) би можело да значи дека се високи нивоата на прогестерон и естроген. Присутноста на грутки укажува на хормонска нерамнотежа. Можно е да постои некоја врска и со фиброидите (миоми на матката). И во двата случаи треба да се појде на лекар.
Портокалова боја: Појдете на лекар!
Ако уште е пропратена и со силни грчеви, болки и непријатни мириси, речиси е сигурно дека е знак за половопренослива инфекција. Затоа на лекар!
Сиво-црвеникава крв: Појдете на лекар!
Може да значи две работи: 1. Ако е во прашање бременост, тогаш е можен знак за ран спонтан абортус; 2. Ако не е бременост, тогаш може да значи дека се работи за некоја половопренослива болест.
Боја на брусница: Се е во ред!
Генерално оваа боја се смета за „здрава боја“. Но, тоа никако не значи дека треба да се занемарат некои други „нерегуларни“ симптоми кои може да ги доживува вашето тело. Имајте на ум дека бојата на менструалната крв не е гаранција за добро здравје.
