Дежа ви или веќе видено претставува феномен заради кој имаме силен впечаток дека некое искуство или настан, кој всушност се случува за прв пат, веќе сме го виделе или доживеале во минатото.
Научниците се уште со сигурност не утврдиле зошто и како доаѓа до овој феномен, но некои од факторите сепак се познати. На пример, утврдено е дека помладите луѓе почесто доживуваат дежа ви, како и дека зачестеноста на овој феномен опаѓа со годините. Истражувањата, исто така, покажале дека дежа ви почесто се јавува кај поединци од повисоките социо-економски слоеви и кај пообразованите луѓе. Личностите кои патуваат, исто така, се поподложни на ова чувство.
Забележано е дека дежа ви позачестено се јавува и кога сме уморни и/или под стрес. Одделни лекови, исто така, ги зголемуваат шансите за појава на впечатокот на дежа ви. Кога се во прашање половите, се проценува дека овој феномен подеднакво е чест и кај мажите и кај жените.
