Едно варено јајце содржи шест грама протеини, а следниве намирници се уште подобар извор на протеини, пишува „Womens health“.
Бадеми
Бадемите се сметаат за една од намирниците кои содржат висок процент на протеини, но се високо ценети и поради тоа што се богат извор на витамин Е, бакар и магнезиум.
Сушени семки од тиква
Семките од тиква се најпознати по нивната висока содржина на магнезиум, но, исто така, се и добар извор на протеини. Додадете ги во вашата омилена салата.
Грчки јогурт
Кога станува збор за обновување на мускулите, немасниот грчки јогурт е една од најдобрите намирници кои можете да ги консумирате секој ден. Една пластична чашка содржи околу 17 г протеини и само 100 калории.
Овес
Најчесто се смета дека овесот содржи скриени јаглехидрати, но вистината е дека е богат со протеини, растителни влакна, содржи многу витамини, минерали и антиоксиданти.
Јапонска соја
Едамаме или т.н. јапонска соја, покрај протеините, е богата и со железо и калциум.
Сушена спирулина
Рибата не е единствената протеинска храна која можете да ја најдете во океаните. Обидете се спирулината да ја додадете во салатите, а, исто така, можете да ја користите и спирулината во прав за подготовка на смути.
Тофу сирење
Ги содржи сите осум есенцијални аминокиселини. Плус ќе добиете голема доза на магнезиум, бакар, цинк и витамини.
Леблебија
Покрај протеини, леблебијата содржи железо, фосфор, калциум, магнезиум, манган, цинк и витамин К, сите витамини и минерали кои помагаат во изградба на појаки коски.
