Во најчестите намирници кои можат да предизвикаат мигрена спаѓаат:
Постари сирења, кои содржат поголеми количества тирамин, соединение кое се наоѓа и во виното, квасецот, чоколадите и месните преработки. Нивоата на тирамин се поголеми кај личностите кои патат од хронични мигрени отколку кај здравите личности или оние кои боледуваат од други облици на главоболка.
Алкохолни пијалаци, 29 до 36 проценти од луѓето со мигрена се убедени дека алкохолот им буди мигрена. Алкохолните пијалаци (особено црното вино) можат да предизвикаат напад на мигрена и до 3 часа после консумирањето.
Кафе и напитоци со кофеин, високиот внес на кофеин може да биде причинител на мигрена кај некои луѓе.
Месни преработки, се проценува дека 5 проценти од луѓето со мигрена се чувствителни на нитритите од месните преработки, како и дека симптомите на мигрена кај нив можат да почнат само неколку минути после консумирањето на оваа храна.
Посветете внимание на состојките во прехранбените производи кои ги купувате, со оглед на тоа дека мононатриумот глутаминат (засилувач на вкусот), како и вештачките засладувачи – аспартам и сукралоза, можат да бидат причинители на мигренозни главоболки.
Кај 11 отсто од личностите кои патат од мигрена цитрусното овошје може да предизвика напад на мигрена.
