Нема потреба да повторуваме колку е важно миењето раце на децата и возрасните, особено во сезоната на настинки и грип. Верувале или не, но на рацете може да се наоѓаат околу 3 200 бактерии од 150 различни бактериски видови. Заради овој факт мошне е важно редовно да се мијат рацете за да го заштитите телото од микроорганизми. Постои одредено време кое треба да го посветиме на миењето раце за да сме сигурни дека сме ги отстраниле сите бактерии од рацете.
Препораката на докторите е миењето на рацете да трае 20 секунди. Колку подолго ги миете рацете толку е поголема можноста за убивање на бактериите. Дури и е поважно подолго да ги миете рацете, отколку водата со која ги миете да е топла.
Рацете треба да се мијат што е можно почесто, со оглед на тоа дека и дома може да бидете изложени на многу бактерии. Прво од што не се одвојуваме во текот на денот е мобилниот телефон кој е вистинско легло на бактерии, затоа и е важно тој редовно да се пребришува со алкохол или асепсол.
