Одењето е една од подобрите физички активности затоа што го зајакнува срцето и системот за циркулација, го согорува вишокот маснотии, го активира секој мускул во телото. Прашањето е колку всушност треба да пешачиме за да загубиме некој килограм?! Ова прашање посебно ги интересира оние кои немаат волја за посилна физичка активност, а имаат желба да си го подобрат здравјето и да ја средат линијата.
Без гајле затоа што ако навистина почнете малку повеќе да шетате, односно да шетате со цел да постигнете резултати, и тоа е можно! Одењето е една од подобрите физички активности затоа што го зајакнува срцето и системот за циркулација, го согорува вишокот маснотии, го активира секој мускул во телото, а најдобро е да шетате вака:
Десет минути лесна прошетка за загревање на мускулите и поттикнување на метаболизмот. Потоа забрзајте го темпото и држете го 20 минути. Во тој период веќе ќе го почнете процесот на согорување на маснотии, а потоа повторно забавете и одете барем уште 10 минути. Додека одите внимавајте телото да ви биде во правилна поза. Водете сметка за тоа рамената да ви бидат опуштени, грбот рамен, а стомачните мускули благо затегнати.
Внимавајте и на дишењето – вдишувајте на нос, издишувајте на уста, а внимавајте и на чекорите. Прво петата, а потоа прстите.
Тренинзите со пешачење започнете ги со реална далечина, а потоа со време зголемувајте и забрзувајте го темпото за секоја прошетка да е малку поинтензивна од претходната. За навистина да ослабете обично се споменуваат оние славни 10 000 чекори, но во случај навистина да сакате да видите побрзи резултати зацртајте од 12 до 13 000 чекори дневно, а ако сакате засилете го и тој ритам. Добро е да бирате и патеки со нагорнини и надолнини.
Иако овие илјадници чекори изгледаат многу, половина до еден час шетање, зависно од темпото, ќе бидат доволни да ја одработите и таа задача.
