Лебот за многумина е омилена намирница без која не можат да го замислат оброкот, но дали некогаш сте се запрашале што ќе ви се случи ако се откажете од неа?!
Еве некои од придобивките:
Ќе ги изгубите килограмите предизвикани од вода
Лебот е полн со јаглехидрати, а исфрлањето на истите од менито ќе се забележи моментално и тоа во форма на губење на килограмите. Сепак, не станува збор за моментално слабеење, туку за губење на водата која се собира во организмот. Телото ги складира јаглехидратите во форма на гликоген, млечна киселина која собира вода. Секој грам јаглехидрат кој останува во организмот, задржува и врзува три до четири пати повеќе вода од својата тежина.
Нема да бидете постојано гладни
Преработените јаглехидрати предизвикуваат брз скок на шеќерот во крвта кој потоа, исто така, многу брзо и паѓа. Овие промени во мозокот испраќаат нејасни сигнали кои го зголемуваат чувството на глад и желбата за храна поради што се дебелиме. Но, тоа не значи дека од вашата исхрана морате во целост да го исфрлите лебот, туку празните калории и белиот леб да ги замените со оние направени од цели зрна кои го регулираат и балансираат шеќерот во крвта.
Ќе ви се зголеми енергијата и ќе се подобри дигестијата
За разлика од интегралниот или црниот леб, белиот не содржи влакна кои се неопходни за нормално функционирање на цревата и дигестивниот систем. Откако ќе го исфрлите белиот леб од менито и во секојдневната исхрана ќе вклучите цели зрна, варењето започнува нормално и ја олеснува работата. Јаглехидратите се храна и гориво за мозокот, па ако се со добар квалитет – мозокот работи нормално, без нарушување, но ако храната за мозокот не е здрава, организмот реагира негативно, па се појавува чувство на слабост и замор.
