Во чадот од цигарите има повеќе од 7 500 штетни хемиски соединенија, меѓу кои 80 се канцерогени, за кои и медицински е докажано дека предизвикуваат рак. Доспеваат до секој дел од телото и одговорни се за настанување на карциномот на белите дробови во дури 90 отсто од случаите. Во значаен процент предизвикуваат карцином на грлото, хранопроводот, желудникот, дебелото црево, црниот дроб, панкреасот, грлото на матката, бешиката…
Кај третина од болните од сите малигни болести, цигарите се виновни за смртниот исход.
Еве што позитивно се случува во телото кога ќе престанете да пушите:
Само 20 минути после испушена цигара крвниот притисок и пулсот се нормализираат, како и температурата во рацете и нозете затоа што цигарите ја блокираат циркулацијата и ја забрзуваат работата на срцето. После 12 часа од последната цигара нивото на јаглен моноксид опаѓа, а кислородот расте до нормалното ниво во крвта. Веќе после два дена, нервните завршетоци почнуваат да се регенерираат, а сетилото за мирис и вкус полека се опоравува. Истовремено, бесот и вознемиреноста заради апстиненцијата од цигари го достигнуваат врвот.
Една година по оставањето на цигарите ризикот од сите коронарни болести двојно се намалува, како и веројатноста од смртност и од карцином на белите дробови.
