Магазинот “Wall Street Journal” објавил дека кафето може мошне лошо да делува врз организмот во текот на студените денови, иако сите всушност посегнуваме по пвој напиток за да се разбудиме и згрееме. Се покажало дека кафето потполно спротивно влијае на организмот.
Докажано е дека сите топли напитоци, а особено кафето кое најбрзо се апсорбира, не делуваат благотворно на човековото тело. Имено, тие предизвикуваат многу несакани ефекти како што е треперење и студена пот. Станува збор за тоа дека вашето тело е потопло во однос на надворешната средина и дека температурната разлика станува уште поголема кога внесувате топол напиток, што води до треска.
Кафето има уште негативни ефекти на организмот кога ќе се испие на студ, затоа што ја поттикнува циркулацијата и метаболизмот е прилично забрзан, така што самата енергија на телото е на повисоко ниво. Ова дополнително го загрева организмот, па се создава температурна разлика која може да го доведе телото во состојба на шок.
„Кафето покрај ова уште е и силен диуретик и доведува до нагло лачење на течности од организмот. За овој процес, исто така, се користи енергија која го загрева телото, но создавањето вишок течност на минус е ризчно бидејќи може да доведе до низа реакции, па да се заврши со тешка инфекција“, вели Алан Хенџ од Корнел универзитетот.
Што би требало да се пие на ниски температури?
Одговорот се крие во Монголија, во земјата на Џингис-кан. Таму луѓето користат напитоци кои во себе содржат путер,објаснува Хенџ.
Монголите често пијат млеко од кобила. Топло е, но содржи и висок процент на калории и масти и тоа го забавува варењето и ја одржува температурата на телото рамномерна подолг временски период и на тој начин организмот може постепено да се навикне на ниска температура во надворешната средина и да се прилагоди.
Заклучок: најдобро е да не се пијат пијалаци потопли од 40 Целзиусови степени. А ако веќе морате да пиете кафе, нека биде разладено со ладно млеко.
