Истражувањето спроведено во Данска покажа дека децата кои се само неколку сантиметри пониски од своите врсници се изложени на поголем ризик од мозочен удар кога ќе пораснат.
Возрасните жени кои на возраст од 7 години биле пониски од своите врсници имаат поголем ризик од исхемичен мозочен удар за 11 отсто. Додека мажите кои биле пониски на 7-годишна возраст имаат 10 отсто поголем ризик од исхемичен мозочен удар и 11 отсто поголем ризик од хеморагичен мозочен удар.
Колку детето пораснало во периодот од 7 до 13 години нема никакво влијание врз неговиот иден ризик од мозочен удар.
Резултатите од оваа студија покажуваат дека пониската висина во детството може да биде ран знак за зголемен ризик од мозочен удар подоцна во животот
Се смета дека луѓето кои се пониски понатаму треба дополнително да поработат на подобра контрола на променливите фактори на ризик од мозочен удар, како што се покачен крвен притисок, пушење, зголемен холестерол и дебелина, за да го намалат ризикот од мозочен удар.
