Бозелот е лековита билка која се користи повеќе од 4 000 години, поради своите антивоспалителни и антисептички својства. Одлична е во третман на синусни инфекции, грип, настинка, иритација на кожа, стрес, алергии и други респираторни нарушувања.
Бозелот, исто така, се користи и како природен диуретик и за лекување на алергија на полен.
Постојат многу причини зошто е бозелот добар за нашето здравје, еве некои од нив…
Се бори против грип
Истражувањата покажале дека екстрактот од бозел може да биде исклучително ефикасен во лекување на симптомите на грип. По само неколку дена, 28 % од испитаниците биле целосно излечени, а 60 % имале послаби симптоми.
Го намалува холестеролот
Според истражувањата, постојат начини на кои можеме да ги спречиме болестите на срцето и да го подобриме целокупното здравје. Двонеделното пиење чај од бозел може да го намали нивото на триглицериди во крвта.
Цветот на бозел содржи флавоноид кверцетин, кој ефикасно го намалува нивото на лошиот холестерол (LDL) во крвта. Ниското ниво на лош холестерол значи и помало напрегање на срцето и помали шанси за срцев и мозочен удар
Цветот на бозелот е богат со флавоноиди, гликозиди, танини, каротеноиди и витамин Ц. Хлорогенската киселина во билката може да ги намали симптомите на алергија, го регулира варењето и нивото на гликоза во крвта. Бозелот, исто така, содржи и олеанолна киселина и делува антивоспалително, аналгетски и антиканцерогено.
Ги ублажува симптомите на алергија
Иако цвеќињата и други „поленски растенија“ најчесто предизвикуваат алергиски реакции, цветот на бозел има сосема спротивен ефект. Екстрактот од овој цвет е ефикасен во намалувањето на симптомите поврзани со синузитис и алергии на полен.
Против оксидативен стрес
Сокот од бозел е богат со витамин Ц, што може да биде многу корисно за здравјето на тетивите, лигаментите, крвните садови и кожата. Оваа билка е моќен антиоксидант, корисен за заштита на телото од оксидативен стрес. Кога е телото под постојан стрес, многу витални органи се во опасност.
Бозелот може да помогне во намалување на симптомите на хронични болести како што се рак, дијабетес и срцеви заболувања. Оваа билка го зајакнува имунолошкиот систем и ги чисти токсините од телото, стимулирајќи ја работата на лимфните жлезди. Со тоа се намалува оптоварувањето на црниот дроб кое е одговорно за чистење на организмот.
Го зајакнува имунитетот
Бозелот низ историјата се користел како лек против настинки и за зајакнување на имунитетот
Убавина и здравје на кожата
Бозелот може да се користи против голем број на кожни болести како што се разни инфекции, осип или изгореници. Лековитите својства на бозелот се, исто така, ефикасни за избелување пеги, но и лекување на акни.
