Истражувањето спроведено во САД, во кое биле вклучени 635 деца, покажало дека поголемиот обем на половина во третата година од животот го зголемува ризикот од оштетување на црниот дроб и неалкохолни масни заболувања на црниот дроб до осмата година од животот.
Маркерот кој покажува оштетување на црниот дроб како резултат на дебелината е аланин аминотрансфераза (ALT). Во ова истражување дури 23 % од децата имале покачени нивоа на ALT на возраст од осум години.
Колку поголем обем на половината има детето на возраст од три години и колку повеќе добива во тежина во период од третата до осмата година, толку е поголема веројатноста дека ќе има покачени нивоа на ALT во осмата година од животот
Иако многу родители знаат дека дебелината кај децата може да доведе до дијабетес тип 2 и други метаболички болести, малкумина од нив знаат дека дебелината кај малите деца може да предизвика развој на сериозни заболувања на црниот дроб. Едно од нив е и неалкохолно масно заболување на црниот дроб, кое е еден од најчестите хронични заболувања на црниот дроб кај децата и тинејџерите.
- Неалкохолна масна болест на црниот дроб може да доведе до цироза на црниот дроб и рак на црниот дроб.
Некои лекари го одредуваат ALT кај ризични деца на возраст од десет години. Сепак, овие резултати укажуваат дека со утврдувањето на ALT треба да се започне многу порано за да се спречи понатамошно зголемување на телесната тежина и дополнителни воспаленија на црниот дроб.
Не треба да се заборави дека за да се намали ризикот од развој на дебелина исклучително важни се здравата исхрана и редовната физичка активност, пишува „Journal of Pediatrics“.
