Научник од Кипар вели дека открил нов сој на коронавирусот кој комбинира карактеристики од делта ии омикрон варијантите.
Леонидос Кострикис и неговиот тим идентификувале 25 случаи на заразени со, како што вели професорот по биолошка наука и шеф на Лабораторијата за биотехнологија и молекуларна вирологија, нов сој што го нарекува “делтакрон“.
Омикрон е многу заразна варијанта и стана доминантен сој на SARS-CoV-2 во многу земји. Делта минатото лето беше доминантен сој ширум светот. Заразените пациенти имаа значајно поголем ризик од хоспитализација од оние со алфа сојот на вирусот.
Според проф. Кострикис, делтакрон има генетски потписи слични на омикрон во делта геномот.
“Ќе видиме во иднина дали овој сој е попатоген или позаразен и дали ќе провладува против делта и омикрон“, изјави за кипарските медиуми проф Кострикис.
Развојот на новиот сој со потенцијална спосбност да се шири еднакво брзо како и омикрон или да доведе до потешки случаи, првично предизивка загриженост. Но, стручњаците во меѓувреме ја доведоа во прашање вистинитоста на наодите на Кострикис.
ТВРДЕЊА ЗА КОНТАМИНАЦИЈА
“Секвенците на кипарскиот ‘делтакрон’ за кои се информираа неколку големи медиуми изгледаат сосема јасно како контаминација“, вели Тоас Пикок, научен соработник на Империал Колеџот во Лондон, кој е фокусиран на истражување на коронавирусот. Тој додава дека “тоа нема врска со квалитетот на лабораторијата или нешто слично, туку дека ова едноставно повремено се случува на секоја лабораторија за секвенционирање“.
Потоа, кипарскиот професор ги бранеше своите наоди.
“Идентификуваните случаеви укажуваа на еволуциски притисок на сој предци дека мутира, што ме наведе да верувам дека е дојдено до комбинација на делта и омикрон“, вели проф. Кострикис и додава дека таа комбинација не е резултат на нешто што се случило само еднаш – како што е, на пример, контаминација на примероци во лабораторија.
Според него, примероците што ги анализирал обработени се во повеќекратни постапки на генетско секвенционирање во неколку земји.
ДЕЛТАКРОН “РЕЧИСИ СИГУРНО НЕ Е“ ВИСТИНСКА КОМБИНАЦИЈА НА ДВА СОЈА
Таканаречените рекомбинантни форми на вирус, како што е делтакрон на Кострикис се познат феномен. Може да се создадат кога истовремено циркулираат неколку соеви на вирусот, што моментално се случува со SARS-CoV-2.
Меѓутоа, стручњаците истакнуваат дека сите откриени мутации слични на омикрон во делта геномот лежат во еден дел од генетските секвенци – дел за кој се знае дека е проблематичен во одредени процедури на секвенционирање.
Џефри Барет, директор на Институтот Wellcome Sanger во Британија, укажува на истражување што неговиот институт го направило на таа тема, што го наведува да верува дека наводниот нов сој делтакрон “речиси сигурно не е биолошки рекомбинант на делта и омикрон“.
Значи, може ли едноставно да се игнорира кипарското откритие? Малку е рано за тоа.
Тимо Волф, лекар и шеф на одделот за високопатогени болести при Универзитетската клиника во Франкфурт вели дека е оптимист, но дека засега е внимателен.
“Мислам дека не постои силен показател дека ова ќе предизвика голем проблем“, додава тој.
Но, Волф признава дека податоците како оние што ги изнесе проф. Кострикис и понатаму треба темелно да проверуваат: Мислам дека ќе мораме да почекаме уште неколку недели за да бидеме сосема сигурни.
