Како можеме да ги намалиме поплавите, сушите и загадувањето на водата?
Со користење на решенија што веќе ги имаме во природата.
ОДГОВОРОТ Е ВО ПРИРОДАТА!
Светски ден на водата 2018
Светскиот ден на водата се одбележува секоја година на 22 март, и има за цел да ја потенцира важноста на водата. Иако ова може да звучи едноставно – и, во очите на многу луѓе, малку досадно, недостатокот на чиста вода низ целиот свет, заедно со штетните ефекти од глобалното затоплување, загадувањето на водата и оштетените маси на вода, е поважно да се разбере од кога било.
Оваа година одбележувањето се одвива под слоганот „Природата за вода“. Денот на водата се слави низ целиот свет од 1993 година. ОН усвоија резолуција во декември 1992 година, со која го прогласија 22 март за Светски ден на водата, и оттогаш значењето на овој ден започнува да расте.
Возрасен човек треба да пие најмалку 1,5 литри вода дневно
Со Светскиот ден на водата Обединетите нации сакаат да потсетат на важноста на заштитата на водите и на недостатокот на вода за пиење во многу делови на светот. Секоја година, овој ден се одбележува со бројни настани кои имаат за цел запознавање на што повеќе поединци и институции со значењето на водата во сите аспекти на човечкиот живот.
Водата е извор на живот, но, исто така, е и важен фактор во јавното здравје и животната средина, како и многу механизми во природата, кои би биле едноставно невозможни без вода. Потребата за вода кај возрасен човек изнесува просечно 2,5 до 3 литри на ден, а со оглед на тоа што од ден во ден се повеќе се зголемува светското население, потребата од неа се зголемува. Предвидувањата се дека до 2025 година две третини од човештвото ќе има сериозен недостаток на вода.
Обезбедете му на вашиот организам доволно вода, а тоа ќе резултира со виталност и здравје. Обидете се да стекнете навика да пиете вода и тогаш кога не се чувствувате жедни. Чувството на жед ви кажува дека е доцна и дека вашето тело веќе чезнее по вода. Секогаш носете шише со вода со вас, без разлика на сезоните. Ако немате навика да пиете вода, можете да си помогнете со овошни сокови, смути без шеќер или едноставно, вода со сок од лимон.
Главоболки, проблеми со варење, намалена концентрација се само некои од последиците од недоволното внесување на вода
Главоболки, проблеми со варење, намалена концентрација и работна способност се само некои од последиците од недоволното внесување на вода. Недостатокот на течноста којашто го придвижува целиот организам, ги чисти токсините од виталните органи и носи хранливи материи во клетките може да остави долготрајни последици врз здравјето на организмот, па затоа е неопходно секојдневно да водите сметка за тоа колку вода внесувате.
Зошто водата е важна за организмот?
Човечкото тело се состои од 75 % вода, со што се создава логична претпоставка дека водата ни е повеќе од потребна за да живееме. Таа е буквално најважната дневна супстанција во нашето тело. Во текот на денот, се препорачува да се пијат многу течности, но не заборавајте дека некои течности може дополнително да го дехидрираат организмот и да ја зголемат загубата на вода. Пред се, мислиме на кафе, чај, алкохол и многу слатки пијалаци, кои всушност, се диуретици кои предизвикуваат губење на водата. Исто така, не заборавајте дека чувството на сувост во устата е речиси последниот знак на дехидрација на организмот, а не прв.
Први знаци кои укажуваат дека треба да пиете вода:
- констипација на цревата
- главоболка
- сува кожа
- замор
- дигестивни нарушувања
- добивање на тежина
- ретко вршење мала и голема нужда
Ако дехидрацијата е континуирана и на вашиот организам не му давате доволно вода, последиците би можеле да биде многу полоши. Проблеми со уретрата кај мажите, формирање на камења во бубрезите, воспаление на мочниот меур и инфекции на уринарниот тракт се само некои од нив.
