Доколку денталниот плак не се отстранува после секој оброк, бактериите кои се наоѓаат во него како што Streptococcus mutans, Streptococcus sobrinus и Lactobacillus spp можат да предизвикаат кариес и воспалителни процеси на непцата како што се гингивитис и пародонтитис, па дури и инфекции.
Затоа е важна редовната хигиена на забите, затоа што после само 26 часа плакот постепено почнува да се стврднува и да се минерализира. Тогаш преминува во забен камен кој е потешко да се отстрани.
Зошто се јавува денталниот плак?
Се работи за наслаги кои се јавуваат после секој оброк во вид на бели или жолтеникави лепливи маси. Се состојат од остатоци од храна и плунка во кои се колонизираат бактериите присутни во устата. Штом се формира плакот бактериите се множат и се хранат со шеќерите од остатоците од храната. Тие потоа произведуваат кисели супстанци кои ја напаѓаат забната глеѓ и непцата.
Како да го спречите неговото формирање?!
За да го отстраните идеално би било забите да ги миете после секој оброк, па дури и ужина. Сепак, општата препорака е забите да се мијат барем три пати дневно, во траење од околу 2,5 до 3 минути и притоа да посветите внимание на потезите. Еднаш дневно можете да користите и забен конец или интердентална четкичка за да го отстраните плакот меѓу забите.
Се вели повторувањето е мајка на знаењето, затоа не е лошо уште еднаш да се потсетиме на тоа како правилно се мијат забите. Во видеото во продолжение следува кусо објаснување за тоа како од забите најдобро ќе ја отстраните сета нечистотија:
