Иако симптомите на застојот на срце може да бидат сериозни и застрашувачки кога ќе се појават, понекогаш телото дава суптилни знаци дека нешто не е во ред со срцето. Симптомите кои ќе ги наведеме често можат да бидат целосно безначајни, па нема причина за паника ако со здравјето немате никакви проблеми. Исто така, само вашиот лекар, може врз основа на преглед, да ви постави дијагноза.
ПОСТОЈАНО СТЕ МНОГУ УМОРНИ
Во овој случај, не станува збор за минлив замор поради недоволно сон, туку за силно чувство на исцрпеност, како во случај на грип, само што во овој случај тој замор не минува. Многу жени на овој проблем одмавнуваат со рака, оти сметаат дека се работи за моментална состојба, но тоа може да биде сигнал што ви го испраќа срцето.
ОТЕКУВАЊЕ НА НОЗЕТЕ
Иако отечените нозе не претставуваат проблем ако ја знаете причината на отоците, како повреда или ако сте стоеле подолго на нозе од вообичаено, отоци кои често се појавуваат и подолго се задржуваат, може да говорат за тоа дека се работи за сериозен здравствен проблем. Еден од најчестите знаци на затајување на срцето е отекување на потколеницата и глуждовите. Причина за тоа насобирање течност во организмот која се појавува како последица на намалената работа на срцето и намалена можност срцето да пумпа крв во периферните органи.
СИЛНА БОЛКА ПРИ ЧЕКОРЕЊЕ
Ако ви се грчат мускулите во нозете додека одите, а додека одморате не чувствувате потешкотии, можеби не се работи само за последица на избегнување на физичка активност. Болест на префирените артерии (БПА) води до исхемија (намален доток на крв низ стеснет или компримиран крвен сад во некој орган или делови од телото), и се поврзува со развој на болести на срцето. Ако имате БПА, шансите за запушување на артериите се за 50 проценти поголеми.
ЧЕСТА МИГРЕНА
Некогаш главоболктата е само главоболка, но понекогаш мигрената е како знак на предупредување дека нешто не е во ред со срцето. Мигрените се јавуваат кај 12% од општата популација, но таа бројка се зголемува на 40 проценти кога се работи за пациенти на кои дијагнозата им е кардиоваскуларно заболување.
ДЕПРЕСИВНИ СТЕ
Депресијата денес погаѓа околу 19 милиони пациенти само во САД секоја година. Депресијата сама по себе не е симптом на болести на срцето, но менталното здравје е поврзано со физичкото здрвје. Многу студии покажуваат дека депресивните лица се посклони кон развој на болести на срцето.
