Симптоми на мачнина, киселина, дијареја и опстипација неретко ја следат депресијата, а можат да бидат поизразени кај личностите кои, исто така, имаат анксиозно пореметување. Нашето расположение многу влијае врз нашиот дигестивен тракт и се покажало дека депресијата и состојбите како што се иритабилен колон често можат да се јават истовремено.
Освен што може да се поремети функционирањето на системот на органите за варење, депресијата влијае и врз хормоните кои го регулираат апетитот, па може да доведе и до губење или зголемување на апетитот, и со самото тоа до намалување, односно зголемување на телесната тежина. На промените на апетитот може да влијаат и проблемите со сонот, т.е. недостатокот на сон, кој, исто така, често се јавува како придружен симптом на депресијата.
