Депресијата се карактеризира со општо успорување на организмот – а освен чувство на тага и безволност се јавува и интензивен замор, потоа промени во апетитот, проблеми со сонот, отежната концентрација… Ова го докажала и една неодамнешна студија, која покажала дека депресијата може значително да го отежни процесот на размислување и носење одлуки. Уште една работа која ја докажале водачите на студијата е дека оваа често потценувана и занемарувана болест влијае и на способноста за обработка на информации и решавање на проблеми во секојдневниот живот.
Одделни животни навики би можеле да ги ублажат симптомите кои ја следат депресијата, како на пример, балансираната исхрана богата со намирници кои содржат омега-3 масни киселини (морска риба, ореви, ленено семе), витамините од Б-комплексот (интегрални житарки, јаткасти плодови и семки, месо, јајца) и триптофанот (мисиркино месо, белки од јајце, спанаќ, мешунки) поволно влијае на расположението и општото здравје. Редовната физичка активност, па макар тоа да е само долга прошетка, исто така, докажано ги намалува симптомите на депресија.
