Возрасните личности кои патат од депресија се во двојно поголема опасност да станат пушачи од оние кои не се депресивни, покажале резултатите од едно американско истражување.
Секоја втора депресивна личност, односно 43 отсто од депресивните личности кои се постари од 20 години пушат, наспрема 22 проценти од возрасните личности кои не се депресивни, објавил американскиот Национален центар за здравствена статистика.
Се работи за појава која е уште поизразена кај мажите на возраст меѓу 40 и 54 години и жените на возраст од 20 до 39 години. Истражувањето покажало и дека депресивните пушачи многу почесто палат цигари од недепресивните и потешко се одвикнуваат од тутунот. Според податоците на истражувањето обавено во период меѓу 2005 и 2008 година во САД, депресијата погодува околу седум отсто од возрасните жители, односно оние постари од 20 години, а 21 процент од вкупниот број жители се пушачи, што претставува пад за 50 отсто од средината на 60-те години и воедно еден вид добра вест.
