Сигурно многупати ви е кажано дека треба да изгенувате да стискате мозолчиња, без оглед на тоа колку и ‘примамливо’ да изгледаат. Овој совет, секако се однесува на целото ваше лице, но лекарите велат дека сепак постои посебно опасно подрачје. Тие колоквијално го нарекуваат ‘триаголник на смртта’ од кој треба да ги држите рацете подалеку.
ШТО Е ‘ТРИАГОЛНИК НА СМРТТА’?
“Подрачјето од лицето ке ги поврзува носот со аглите на усните се смета за посебно опасен дел од лицето, поради нивната блиска поврзаност со мозокот“, вели д-р Џошуа Зајхнер, дерматолог во болница во Њујорк.
Најдобар наин да го видите овој триаголник е да го формирате со вашите прсти, спојте ги врвовите на палците, а потоа врвовите на показалецот. Врвот од триаглоникот ставете го на мостот на вашиот нос, а базата нека почнува во двата агли на усните и се протега преку дното на вашето горна усна.
- Зошто е опасно да се стискаат акни во ‘триаголникот на смртта’?
Терминот „триаголник на смртта“ може да звучи малку екстремно кога се зборува за стискање на акни, но дефинитивно заканата не треба да ја сфаќате површно.
“Кавернозниот синус е името на големата вена која носи крв до мозокот“, вели д-р Зајхнер. Со други зборови, инфекцијата на мозолчињата на носот до некаде има јасен пат до вашиот мозок. Од таа причина, секоја инфекција во ова подрачје е малку поголем ризик, вели д-р Алок Виј, дерматолог во Клиниката Кливленд.
“Во случај да стискате мозолче и да се развие инфекција, најлошото сценарио е инфекцијата да се прошири низ кожата преку овој синус и да има потенцијал да го зарази мозокот, па дури и да се прошири преку крвотокот до целото тело, вели д-р Зајхнер.
Затоа, стискањето или допирањето на мозолчињата во таа област не е паметно, ниту пак вадењето влакна од носот на небезбеден начин, бидејќи било кое од овие дејства може да им овозможи на бактериите да навлезат во таа ризична област на лицето. Друга причина да ги држите рацете подалеку од оваа регија е затоа што е поверојатно да оставите лузна на неа“, вели д-р Виј.
