Постојат толку многу совети за губењето на телесната тежина што е тешко да се одделат вистинските од лажните. Кога станува збор за слабеењето постојат десет митови кои е важно да ги знае секој што решил да се бори со вишокот килограми
- Изгладувањето е најдобар начин да се изгуби тежина
Драстичните диети не помагаат да се намали телесната тежина на долг рок. Всушност, тие понекогаш може да доведат до здебелување. Телото почнува да ја губи потребната енергија, што резултира со зголемена глад за храна со висока содржина на масти и шеќери. Со неа ќе внесете повеќе калории отколку што треба, што ќе доведе до зголемување на телесната тежина.
- Радикален режим на вежбање е единствениот начин да се изгубат килограмите
Ова не е вистина. Разумното губење на тежината значи спроведување на мали промени кои може да се одржат на долг рок. Ова значи дека треба да се практикува секој ден најмалку 30 минути умерена физичка активност најмалку пет дена во неделата.
- Апчињата за слабеење имаат ефект за долгорочно губење на тежина
Целосно неточно. Апчињата за губење на тежината смеат да се користат само ако лекарот дозволи.
- Здравата храна е многу поскапа
Здравата храна не мора секогаш да биде поскапа од нејзините нездрави алтернативи. Обично би платиле повеќе за голем, солен оброк отколку за купување на свежи состојки од кои сами може да подготвите здрав оброк.
- Храната означена дека има ниски содржини на масти е поздрав избор
Оброкот со ваква ознака содржи помалку масти, но сепак, тоа не значи дека е здрав избор за нас. Храната со ниски маснотии понекогаш содржи високи нивоа на шеќер.
- Маргаринот содржи помалку маснотии од путерот
Маргаринот и путерот содржат различни видови маснотии. Маргаринот содржи помалку заситени масти од путерот, но од друга страна, пак има повеќе транс масти, кои се многу поштетни за здравјето отколку заситените масти. За да губите килограми, а и срцето да биде поздраво, внесувајте помалку од двата типови масти.
- Јаглехидратите дебелеат
Ако консумираме јаглехидрати во мали количини, нема да добиеме на тежина. Јадете намирници како интегрален ориз и леб од цело зрно, не ја пржете храната, ќе губите килограми.
- Избегнување на ужината може да ви помогне да изгубите тежина
Ако се обидувате да ослабите не е проблем дали ќе ужинате, туку што ќе изедете во таа прилика. Изберете овошје или зеленчук наместо чоколади или друга храна богата со шеќер или заситени масти.
- Водата помага во губење на тежината
Вода нема да доведе до губење на тежината, но помага во хидратацијата на телото и може да ви помогне да јадете со помал апетит. Водата е од суштинско значење за одржување на здравјето. Понекогаш чувството на жед може да се замени со глад, па ако сте жедни, да јадете повеќе.
- Ако прескокнете вечера ќе намалите тежина
Прескокнување оброци не е добра идеја. За да изгубите тежина и да ја задржите линијата што сте ја постигнале, намалете го внесот на калории. Прескокнувањето оброци резултира со замор и исцрпеност, па постои поголема веројатност дека тогаш ќе посегнете по оброк богат со масти или шеќери.
