Сцена добро позната: Си велиме дека ќе изедеме само едно или две парчиња пица, малку чипс, еден ред чоколадо или парче сирење, но пред да се свестиме веќе сме „средиле“ цела пица, чипс, цела чоколада или 200 г сирење.
Но, не сме сами во ова. Новата студија покажа дека одреден вид на храна предизвикува поголема зависност од друга, пишува „Independent“. Најчесто се работи за исклучително масна или слатка храна.
Истражувачите од Универзитетот во Колорадо во своето истражување открија дека преработената храна предизвикува најсилна зависност, а особено следниве десет намирници:
- Пица
- Чоколадо
- Грицки
- Бисквити
- Сладолед
- Чипс од компири
- Чизбургер
- Газирани пијалаци
- Колачи
- Сирење
На листата само сирењето не е индустриски преработена храна, додека на подолгата листа од 35 видови на непреработена храна се наоѓа само уште сланината. Може да се заклучи дека сите овие храни се полни со масти и брзо можат да го зголемат нивото на шеќер во крвта.
Од друга страна, храната која предизвикува најмалку зависност се кафеавиот ориз и лососот, кои, исто така, содржат минимум обработени јаглехидрати и масти.
Листата на храна за која најмалку копнееме изгледа вака:
- Свежа краставица
- Моркови
- Грав (но не и кога е во вариво)
- Јаболка
- Кафеав ориз
- Брокула
- Банани
- Лосос
- Пченка (без путер и сол)
- Јагоди
Истражувачите се согласуваат дека ова е првиот чекор кон сознанието која специфична храна предизвикува зависност и кои состојки може тоа да го предизвикаат. Тоа може да помогне во борбата со прекумерната тежина, лекување на зависности од одреден вид на храна, но, исто така, и од алкохол и цигари.
