Универзитетот Џон Хопкинс објави кои се лица се изложени на поголем ризик од КОВИД-19 и зошто.
ПОСТАРИ ЛИЦА И КОВИД
Според Американскиот центар за контрола и превенција на болести (ЦДЦ) објави дека 75 проценти од смртните случаи од КОВИД-19 до номеври 2021 се однесувал на возрасна група од над 65 години.
- Зошто повозрасните лица се толку подложни на КОВИД-19?
Повозрасните лица почесто имаат некои постоечки здравствени проблеми, поради што се изложени на поголем ризик од развој на тежок ковид. Понатаму, имуниот систем со тек на годините слабее поради тоа на повозрасните лица им е потешко да се изборат со инфекциите.
Освен тоа, со годините белодробното ткиво станува поеластично, па респираторните заболувања како што е КОВИД-19 може да предизвикаат значителна загриженост кај постарите лица. Покрај тоа, воспаленијата кај постарите лица може да биде многу силни о да предизвикаат сериозна штета на некои органи.
- Постоечки здравствени проблеми
Без оглед на возраста, одредени болести може да бидат и причината зошто некои луѓе се изложени на поголем ризик од развој на тешка форма на КОВИД-19.
Тоа се болести како што се: хронична опструктивна белодробна болест (ХОББ), белодробна фиброза, пулмонална емболија, пулмонална хипертензија, интерстицијална белодробна болест, бронхопулмонална дисплазија, бронхиектазии и туберкулоза.
Неколку студии покажале дека пушачите исто така имаат поголеми шанси да развијат тешка форма на КОВИД-19.
СРЦЕВИ БОЛЕСТИ И КОВИД-19
Иако КОВИД-19 првенствено влије на дишните патишта и белите дробови, срцето работи за да донесе кислород во телесните ткива. Кога белите дробови се преоптоварени поради болест, срцето мора повеќе да работи, што е особено напорно за лица кои имаат одредени срцеви проблеми како што се срцева слабост, коронарна артериска болест или кардиомиопатија. Поради тоа и лицата со срцеви проблеми може да бидат изложени на поголем ризик од равој на тежок КОВИД-19.
РАК И КОВИД-19
Лицата кои се лекуваат од рак се исто така изложени на поголем ризик од тежок КОВИД-19, а тоа особено се однесува на лицата кои имаат леукемија.
Одредени начини на лекување на рак, како што е хемотерапијата, може сериозно да го ослабат имуниот систем поради што таквите пациенти може многу лесно да се заразат со коронавирус.
БРЕМЕНОСТ И КОВИД-19
КОВИД-19 може да има негативни ефекти и на бременоста. Трудниците кои ќе се заразат со коронавирус изложени се на поголем ризик од тешка форма на болеста, компликации, како и смрт.
Одредени постоечки состојби како што се белодробни и срцеви болести исто така може да го зголемат ризикот кај бремените жени. Бременоста може да поттикне промени во имуниот систен поради кои лицето може да биде силно изложени и ранливо на респираторни вируси, потенцираат стручњаците од Џон Хопкинс. Вакцините против ковид се безбедни и ефикасни и посебно се препорачуваат на бремените жени.
ДИЈАБЕТЕС И КОВИД-19
Дијабетичарите исто имаа зголемен ризик од развој на тешка форма на КОВИД-19. Дијабетесот ги нагласува воспаленијата и дополнително го слабее имуниот систем поради што на лицето со оваа состојба му е потешко да се избори со општо со болестите.
ИМУНОКОМПРОМИТИРАНИ ЛИЦА И КОВИД-19
Низа болести и медицински третмани може да го ослабат имуниот систем и да го зголемат ризикот од тешка форма на КОВИД-19. Тоа вклучува некои наследни генетски состојби, нелекуван ХИВ, долготрајна употреба на стероиди, трансплантации и рак.
МЕНТАЛНИ НАРУШУВАЊА И КОВИД-19
Истражувачите воочиле дека постои врска помеѓу некои ментални болести и зголемениот ризик од хоспитализација и смрт од КОВИД-19. Тие состојби вклучуваат анксиозност, депресија и шизофренија.
Стручњаците се уште се обидуваат подобро да ја разберат оваа поврзаност, но на лицата со овие проблеми им се советува да се вакцинираат против КОВИД-19 за да се намали ризикот од тешка форма на болеста.
И некои невролошки состојби може да го зголемат ризикот од тежок ковид, како што се деменција, Алцхајмерова болест и други когнитивни и развојни проблеми.
