Детоксикацијата е природен процес на неутрализација или елиминација на отровите од човечкото тело. Отровите хемиски се претвораат во помалку штетни материи, кои потоа се излачуваат преку изметот или урината.
Отровите може да потекнуваат од нормалните процеси кои се случуваат во нашето тело при внесувањето храна, како што е произведувањето на амонијак при варењето на протеини или, пак, од вдишување или внесување на хемикалии како пестицидите, средствата за чистење, адитивите од храната, лекови, загадувањето, димот од цигари или тешките метали како олово.
Повеќето експерти препорачуваат детоксикацијата да се направи еднаш или двапати годишно, но не повеќе од три пати годишно.
Седумдневен план за детоксикација на организмот
Наутро, веднаш по станување од кревет: Пијте чаша со топла вода и во која сте исцедиле половина лимон
Пред легнување: Чаша вода со една лажица бентонитска глина и кафена лажица мелено ленено семе
Прв ден: Можете да јадете секакво овошје, освен банани. Се препорачуваат јаболка, круши, мандарини, портокали, грозје и киви. Овошје, свежо или конзервирано, ќе му ги обезбеди на телото сите хранливи состојки што му се потребни
Втор ден: Можете да јадете секаков вид зеленчук, суров или варен, без ограничување на количините. За вечера, на пример, испечете поголем компир со парче путер. Зеленчукот ќе ви ги даде сите хранливи материи и влакна што ви се потребни.
Трети ден: Можете да јадете секаков вид овошје и зеленчук, освен банани и компири, во количини по желба. Немојте да се изненадите ако имате желба за храна бидејќи од следниот ден таа ќе почне да слабее.
Четврти ден: Можете да изедете до осум банани и да испиете три чаши млеко, а дозволена е и супа од зеленчук. Бананите служат за да се надомести калиумот и натриумот.
Петти ден: Можете да јадете до 600 грама говедско месо и шест парчиња домати. Испијте и повеќе вода. Од говедското месо ќе добиете железо и протеини, и од доматите витамини и влакна.
Шести ден: Говедско месо и зеленчук во неограничени количини.
Седми ден: Можете да јадете кафеав ориз, сите видови зеленчук и да пиете незасладени овошни сокови.
Во текот на денот, мора да испиете најмалку десет чаши вода. Пијте и две чаши билен чај (зелен чај, коприва, глуварче, нане) без шеќер.
