Кога ако не сега? Сладоледот е вистинско летно освежување кое сите го обожаваат, а многу родители се прашуваат кога е вистинското време да му го дадат првиот сладолед на своето дете.
Точни препораки кога може да им се даде сладолед на најмалите – нема, но поради поголемата содржина на шеќер и температура на производот се советува да не му се дава на детето пред да наполни една година, па дури и подоцна, велат нутриционистите.
Исхраната во првата година треба да се базира на природни намирници и да се избегнува индустриска храна, како што се слатки и грицки
Во индустриските сладоледи има адитиви и шеќери, но за постарите деца ова може да биде добар избор на десерт. Домашниот сладолед може да се понуди веќе од наполнета една година, бидејќи комбинацијата на овошје и млеко или јогурт може да биде добра ужинка.
Поголемите деца слободно може да го консумираат, бидејќи сладоледот може да биде добар млечен оброк. На крајот на краиштата, се работи за млечен производ, односно десерт со висока хранливост, а секогаш е добро да се збогати со парчиња свежо овошје (боровинки, кајсии, праски, јагоди).
