Децата кои се соочени со тешки и непријатни животни ситуации како болест или развод на родителите, се посклони да се доверат на своето домашно милениче, отколку на братот или на сестрата. Ова го покажува проучувањето на истражувачот Мат Каслс од Универзитеот во Кембриџ. Според него, многу малку внимание се обрнува на важната улога што домашните миленици ја играат за емоциите на децата.
Проучувањето е базирано на 10-годишно истражување на повеќе од 100 британски семејства.
Според Каслс, неговото истражување покажало дека децата со емоционални потешкотии како смрт на близок, развод, нестабилност и болест обрнуваат големо внимание на домашните миленичиња.
„Тие деца не им се обраќаат на домашните миленици само за поддршка кога се соочени со несреќа, тие дури повеќе се свртуваат кон нив, отколку кон својот брат или сестра, иако знаат дека миленичињата не ги разбираат што им кажуваат“, објаснува професорот.
Податоците покажуваат дека е многу поверојатно детето да оствари силна врска со своето домашно милениче, отколку со своите врсници. Особен однос со домашните миленици развиваат девојчињата.
